11/11/2015 | MONDO » La 9-an de novembro, agitado okazis en la detenloko de Kristnaskinsulo, konata pro ties nehumanaj kondiĉoj.La detenejo estis scenejo de perforta ribelo, kiu ŝajne komenciĝis per kolera movado de iranaj malliberuloj post la morto de iu el ili, kiu provis fuĝi.
Incendioj, muroj kaj bariloj detruitaj: la movado rapide disvastiĝis ĉar, laŭ malliberulo pridemandita de l' ĵurnalo The Guardian, "latenta streĉo ekzistis" inter kelkaj membroj de la personaro de Serco - privata entrepreno, kiu mastrumas la detenlokon por azilpetantoj je l' nomo de l' aŭstralia ŝtato - kaj malliberuloj, ĉar "multaj el ili estas perforte traktitaj".
La detenloko fariĝis "neeltenebla", atestis pluraj malliberuloj, kaj ĉiuj ŝajne timas la reprezaliojn, pri kiuj ili suferos fare de l' urĝa skipo de Serco, ekde ĝia reveno.