01 May 2013

Futbalo: FC Barcelona k-aŭ FC Bayern München

En la ĉefurbo de Katalunio, La teamo munkena supervenkis la rivalon barcelonan per 3-0, dank' al goloj de Arjen Robben, Gerard Piqué kaj Thomas Müller.

Antaŭ semajno, la dekunuopo ruĝa estis venkinta super la hispanoj per 4-0 je l' unua matĉo semifinala, do la entuta rezulto estas 7-0 favore al la germanoj.

Tiamaniere, Bayern München atingis la finalon de l' Ligo de Ĉampionoj de UEFA kaj kontraŭludos Borussia Dortmund-on, kiu siavice iris en finalon malgraŭ malvenko hieraŭa kontraŭ sia rivalo Real Madrid.

La munkenanoj kaj dortmundanoj partoprenos la unuan tutgermanan finalon de l' historio de l' prestiĝa turniro eŭropa. Tiu matĉo estos ludita la 25-an de majo en la stadiono Wembley en Londono, Britio.

Video »

Plejfreŝe

Plejpopulare