08 July 2015

Usono: Ku-Kluks-Klano manifestacios por konservado de l' Konfederacia Flago

08/07/2015 | MONDO » Suda Karolino permesis al frakcio tiuklana, ke ĝi protestu, la 18-an de julio, kontraŭ la elpreno de l' flago de la Konfederaciitoj el la esplanado de l' Subŝtata Domo.

"Se vi estas blanka kaj fiera, kuniĝu kun la kolektiĝo. Savu nian teron, kuniĝu kun la Klano", admonas frakcio de Ku-Kluks-Klano ĉe sia voĉmesaĝilo. Tiu frakcio, kiu nomiĝas "Loyal White Knights" ("Fidelaj Blankaj Kavaliroj"), kolektiĝas ĉe l' Kapitolo de Suda Karolino por subteni la Konfederacian Flagon", raportas la usona ĵurnalo New York Daily News.

Multaj voĉoj aŭdiĝas nelge, postulante elprenon de la flago el la esplanado de l' Subŝtata Kapitolo. La respublika guberniestrino tiusubŝtata, Nikki Haley, tiel denuncis la 22-an de junio "simbolon, kiu dividas". La Subŝtata Parlamento povus voĉdoni favore al la elpreno de l' flago, post pluraj semajnoj.

Plejfreŝe

Plejpopulare