30 June 2012

Futbalo: Itala nacia teamo klare supervenkis la germanan kaj ludos finalon kontraŭ Hispanujo

30/06/2012 | SPORTO » Granda festo en Komo kaj la tuta Italujo, kaŭze de la sukceso de la futbala nacia teamo kiu supervenkis la germanan post semifinala matĉo de la Eŭro 2012.

La Prandelli-a dekunuopo estris la matĉon kaj ludis bele. Mirinda estis Mario Balotelli, kiu per siaj du goloj unuaduonaj vundigis la germanojn.

Dum la dua tempo, la bluaj estris la matĉon per multe da goloportunoj. Nur ĉe la fino Germanujo golis danke al punfrapo koncedita de la arbitraciisto.

Post la matĉofina fajfo, ekis granda entuziasmo inter la komanoj, kiuj akompanitaj de flagoj iris en la stratojn sonorigante aŭtokornojn.

Kaj nun ekis atendo kaj espero ĝis la fina matĉo kiu estas ludota venontdimanĉon en Kievo kontraŭ Hispanujo.

Video »

Plejfreŝe

Plejpopulare